د هوا له ښه کېدو سره سم له وزیرمحمد اکبر خان تر قلعه موسی- بی بی مهرو پورې د نوي نښلوونکي سړک د جوړېدو چارې بیا ځل پیل شوې دي او په چټکۍ سره روانې دي. د کابل ښاروالۍ د کار ساتنې او مراقبت ریاست له لوري د یاد سړک استملاکي چارې په ژمي کې ترسره شوې. یاد سړک ۱۰۸۴ متره اوږدوالی او ۲۰ متره پراخوالی لري چې، د استنادي دیوالونو او د یوه معیاري سړک د ټولو برخو په ګډون به په بنسټیزه توګه جوړ شي. د دې سړک د جوړولو چارې تېر کال پیل شوې وې، او تر دې دمه یې ۸۰ سلنه کار مخته تللی دی. له وزیرمحمد اکبرخان تر قلعه موسی- بی بی مهرو پورې سړک د کابل ښار له مهمو سړکونو شمېرل کیږي چې، بېلابېلې سیمې یو له بل سره نښلوي. د کابل ښاروالۍ مشرتابه او کارکوونکي هڅه کوي،چې د یاد سړک چارې ژر تر ژره بشپړې او ګټې اخیستنې ته وسپارل شي