د پنځمې ناحیې په (۳۷) ګذرپورې اړوند د آغا صاحب جومات سیمه کې د(۵) فرعي سړکونو دجوړولو چارې، دکابل ښاروالۍ له خوا او د ملګرو ملتونو د پروژوي دفتر(UNOPS) په مرسته پيل شوې. د پنځمې ناحیې رئیس مولوي ابوبکر په دې اړه وویل چې، په دې سیمه کې د سړک غاړې لښتیو په ګډون، په ټولیزه توګه د(۱۰۰۰) مترو په اوږدوالي (۵) فرعي سړکونه جوړیږي، چې ورسره جوخت به د سیمې اوسیدونکو ته ګڼې ښاري او سیمه ییزې آسانتیاوې رامنځته شي. د یادولو وړ ده چې، ددې پروژې په پلي کیدو سره سلګونو ښاریانو په تېره د سیمې اوسیدونکو ته کاري زمینه هم برابره شوې ده.