د ښاري ښکلا رامنځته کولو په موخه د امیري طبي کمپلکس په مالي ملاتړ په پُل سوخته سیمه کې د یوه لوی ګلدان د جوړولو چارې د کابل ښاروالۍ د ښاري خدمتونو او چاپیریال ساتنې مرستیال مولوي محمد خالد سجستاني له لوري پیل شوې. د کابل ښاروالۍ د ښاري خدمتونو او چاپیریال ساتنې مرستیال په خپلو خبرو کې لومړی د هغو پانګوالو او خصوصي سکټور له غړو چې تر دې دمه یې د ښاري ښکلا په پروګرامونو کې برخه اخیستې ده مننه وکړه او ویې ویل چې، اړینه ده ټول ښاریان په ځانګړې ملي پانګوال د ښار په آبادۍ او ښکلا کې برخه واخلي. یاد ګلدان ۶۰ متره اوږدوالی، له ۴ تر ۶۰ سانتي مترو پراخوالی او له ۲ تر ۶۵ سانتي مترو لوړوالی لري چې، په زنیتي بوټو، ګلانو او رنګارنګ څراغونو به په پوړیز ډول ښکلی شي او لومړی پوړ به یې د تونل شکل ولري