ښاري او ترانسپورټي زیربناو ته د ښاریانو د لاس رسي په موخه د کابل ښاروالۍ له لوري له ده دانا تر درالامان پورې د ۶۱۰ متره په اوږدوالي او د ۳۱ مترو په پراخوالي د سړک د جوړولو چارې پیل شوې. د کابل ښاروالۍ د پروژو او پروګرامونو ریاست د خدماتي پروژو د څارنې آمر محمد فهیم دراني وویل چې، د سړک سربېره په یاده پروژه کې د پلو لارو، د بایسکیل ځغلولو لیکو او ګلدانونو جوړول هم شامل دي چې، چارې به یې د ۲۳ میلیونه افغانیو په ارزښت تر راتلونکو ۷ میاشتو پورې بشپړې شي. نوموړي زیاته کړه چې، د کابل ښاروالۍ د پروژو او پروګرامونو ریاست انجنیران پر وخت د پروژې له کیفیت او څرنګوالي څخه فني او تخنیکي څارنه کوي