د کابل ښاروالۍ د زرغونتیا ریاست له لوري د ښار په بېلابېلو برخو کې وچې شوې ونې پرې شوې، څو پر ځای یې نوي نیالګي کېنول شي. د زرغونتیا ریاست مرستیال سراج الدین پټان وویل چې، مخکې یو شمېر ونې د وخت په تېرېدو یا د نباتي ناروغیو له امله وچې شوې دي، چې د زرغونتیا ریاست یې پر ځای نوي نیالګي کېنوي او له هغوی ساتنه کوي. د نوموړي په وینا دا کار د زرغونو سیمو د پراختیا او د ښاري ښکلا رامنځته کولو په موخه ترسره کیږي