د عوایدي برخو د مسؤلانو د فعالیتونو د پلټنې او ارزونې په موخه؛ د چارو ادارې، مالیې وزارت، دپلټنې عالي ادارې، د کابل ښاروالۍ د داخلي پلټنې ادارې، د عوایدو ریاست دمسوولانو او د کابل ښار د دوه ویشت ګونو ناحیود عوايدو د آمرانو په ګډون ګډه غونډه ترسره شوه. په دې غونډه کې د کابل ښاروالۍ د ۲۲ ګونو ناحیو د عوایدو د مسوولانو کاري فعالیتونه و ارزول شول او د واحد سیستم د رامنځته کولو او د شته سیستمونو د پراختیا په اړه بحث او خبرې وشوې او لازم تصمیمونه ونیول شول. همدا راز په غوڼده کې پر دې ټينګار وشو چې، د کابل ښاروالۍ عوايد بايد په شفاف ډول راټول او په سمه توګه دې مصرف شي، ځکه د کابل ښاروالۍ عواید، ملي عواید دي او پر بنسټ یې ښاریانو ته چوپړتیاوې وړاندې کیږي. د غوڼدې په بله برخه کې د ناحیو د عوايدو مسوولانو د يادو ادارو له استازو وغوښتل چې، د کاري پروسې په ساده کولو، د کابل ښاروالۍ د پوروړو د حسابونو د تصفيې او د مقررو په تصويب کې دې له دغې ادارې سره مرسته وکړي. همدارنګه ټینګار وشو، هغه ښاریان چې له کلونو راهیسې یې د دې ادارې پورونه نه دي ورکړي، ژر تر ژره دې خپل حسابونه تصفیه کړي، که نه نو له قانوني چلند سره به مخ شي