د زرغون او سمسور کابل جوړېدو په موخه، د نیالګیو کېنولو کمپاین پر دوام، د شپاړلسمې ناحیې د شپږم ګذر اوسېدونکو د( ۵۰۰ ) نیالګیو په کېنولو سره د ښار په زرغونتیا کې برخه واخیسته. د شپاړلسمې ناحيې رئیس مولوي محمد عارف کمالي د یاد گذر له اوسېدونکو مننه وکړه او ویې ویل چې، دغه نيالګي د شپږم ګذر په زرغونو سیمو، هديرو او نورو مناسبو ځايونو کې کینول شوي دي، چې دسيمې د اوسیدونکو له خوا به يې په منظمه توګه ساتنه او پالنه کېږي. نوموړي د یادې ناحیې له اوسېدونکو وغوښتل چې، د ونو او بوټو په ساتنه او پالنه کې خپله ونډه ادا کړي. زرغونې سیمې د انسان په ژوند کې له خورا ارزښت څخه برخمنې دي او په همدې موخه د شپاړلسمې ناحیې زرغونو سیمو ته پراختیا ورکول کیږي