ښاري او ترانسپورټي آسانتیاو ته د لاس رسي په موخه، د پنځمې ناحیې په لسم ګذر کې د یوه فرعي سړک د جوړولو چارې، چې څه موده وړاندې د ملګرو ملتونو د پروژوي خدمتونو دفتر (UNOPS) په مالي ملاتړ د (۱۲۰) زره امریکایي ډالرو په لګښت پیل شوې وې، روانې دي. یاد فرعي سړک د کمپنۍ سړک له خوشحال خان مېنې سره نښلوي چې، ۶۱۰ متره اوږدوالی او ۶ متره سور لري او د لښتیو په ګډون به یې چارې په نږدې راتلونکې کې بشپړې شي. د یادې پروژې په پلي کېدو سره ګڼ شمېر ښاریانو ته کاري زمینه برابره شوې او ددغه سړک په جوړېدو سره به ښاریانو ته سیمه ییزي آسانتیاوې هم رامنځته شي