د ترافیکي نظم د ښه والي او دښکلا رامنځته کولو په پار، د کمپنۍ چوک د شاوخوا ګلدانونو د اصلاح ( کوچني) کولو کار، د کابل ښاروالۍ د کار، ساتنې او څارنې ریاست له خوا په دوه مسیرونو کې پیل شو. د کمپنې پله او کوټه سنګي خوا ته د دغې څلور لارې ګلدانونه ډیر پراخ جوړ شوي وو، چې د ترافیکي بهیر په وړاندې یې ګڼې ستونزې جوړې کړې وې. وروسته له دې چې، دکمپنۍ چوک ته د دوو غځیدلو سړکونو د منځ ګلدانونو پراخوالی، له (۱ ) متر څخه تر (۷) مترو پورې اصلاح (کوچني)کړای شي، د دغه سړکونو عرض به ورسړه په مناسبه اندازه پراخه شي