د ښاري نظم د ټینګښت په نیت، د دويمې ناحيې مسوولانو د ده افغانانو، د زیرزمینۍ سر، آسمایي واټ او نورې سيمې د ښاري بې نظميو له شتون څخه پاکې کړې. د دغو عملیاتو په لړ کې ګرځنده کراچۍ، ګرځنده پلورونکي او لیني موټر، چې د لارو او سړکونو د بندېدو او د هوا د ککړتیا لامل ګرځیدلی وو، راټول او د تنظیم کولو په موخه ټاکلو سیمو ته ولیږدول شول. د کابل ښاروالۍ د تنظیف رياست کارکوونکو له يادو سيمو څخه کثافات راټول او ټاکلي ځای ته یې ولېږدول. د ښار په مرکزي برخو کې ښاري نظم د بېلابېلو پروګرامونو له لارې څارل کیږي، څو ښاریانو ته د تګ راتګ پر مهال آسانتیاوې رامنځته شي