د کابل ښار د ۱۷ مې ناحیې اړوند د ادروګل ښارګوټي په سیمه کې، د ۴ سړکونو دجوړولو چارې، چې څه موده وړاندې د کابل ښاروالۍ له لوري پیل شوې وې، روانې دي. د کابل ښاروالۍ د پلان او پروژو دتنظیم ریاست د معلوماتو له مخې، دغه سړکونه په ټوله کې ۷۰۳ متره اوږدوالی او ۱۱،۵ متره پلنوالی لري، چې د لښتیو په ګډون د څه باندې ۸ میلیونه افغانیو په لګښت دجوړیدو په حال کې دي، او تر اوسه یې ۹۶ سلنه چارې مخ ته تللې دي چې په نيږدې راتلونکي به بشپړې او ګټې اخیستنې ته وسپارل شي. د یادولو وړ ده چې، د کابل ښاروالۍ د پلان او پروژو د تنظیم ریاست انجینران، د یادې پروژې د کار او کیفیت څرنګوالی له نیږدي څاري، او هڅه کوي ترڅو دغه پروژه په ټاکلي وخت ترسره شي