د درېيمې ناحيې مسوولانو د دهبوري، ګولايي دواخانه، شهيد څلورلارې او سراى غزني سيمې له ښاري بې نظمیو څخه پاکې کړې. ددغو عملياتو په لړکې هغه ګرځنده پلورنکي او ګرځنده کراچۍ، چې دعامه لارو د بندیدو او د ښاري نظم د ګډوډولو لامل ګرځیدلي وو، ټول او له سیمې څخه ولېږدول شول. همدا راز هغه کیندنې چې، د یو شمیر ورکشاپونو د مالکانو له خوا د سرای غزني سیمې په پلو لاروکې رامنځته شوې وې، د دریمې ناحیې د ښاري خدمتونو د مسوولانو له خوا په پخوانۍ بڼه بیاځلي ورغول شوې او د ورکشاپونو مالکانو ته سپارښتنه وشوه، ترڅو په راتلونکي کې له دا شان سرغړونو څخه ډډه وکړي. یادولو وړ ده چې، د ښاري نظم د ټینګښت په موخه، د دې ناحیې په بیلا بیلو سیموکې د کابل ښاروالۍ د پلانونو له پلي کیدو څخه په دوامداره توګه څارنه کیږي