د خیرخانې کوتل سړک د دویمې برخې د جوړولو چارې، چې څه موده وړاندې پیل شوې وې، اوس هم د دغه سړک په اوږدوکې د غره د لمنې کیندل او د زیربنایی جوړښت چارې جریان لري. دیاد سړک د جوړولو په دې پروژه کې، چې(۳۷۱۰) اوږدوالی، او (۲۷) متره سور لري، پلې لارې، استنادي دیوالونه، د سړک غاړې لښتي، د روښنایي څراغونه، په سړک د کرښو اچول، تم ځایونه، د ترافیکي اشارو او څراغونو نصبول او د یوه معیاري سړک ټول جزیات شامل دي. د کابل ښاروالۍ د برنامو او پروژو د تنظیم ریاست انجنیران به په دوامداره توګه د دې مهمې او حیاتي پروژې د کار له کیفیت څخه څارنه کوي او په پام کې ده، چې ددغې پروژې چارې به د روان کال په اوږدو کې بشپړې شي. د یادولو وړ ده چې، دغه سړک کابل ـ شمال یو مهم نښلوونکی او ترانزیټی سرک شمیرل کیږي چې څوارلس ولایتونه له کابل ښار سره نښلوي په همدې موخه یې د جوړېدو او پراختيا لپاره اقدام وشو