د دولسمې ناحیې اړوند د امنیت پروژې او قلعه زمان خان تر منځ د غځیدلي سړک د قیر دویمې طبقې چارې، له بګرامیو څخه تر الوخیلو پورې پېل شوې. د یاد سړک د پاتې برخو د خاورین جوړښت چارې هم روانې دې، چې تر بشپړیدو وروسته به یې د قیر کولو چارې هم پیل شي. دغه سړک په دوه لیکو کې چې، (۷۳۰) متره اوږدوالی او په ټولیزه توګه (۳۰) متره سور لري، د لښتیو، ګلدانونو، پلې لار او دیوه معیاري سړک د ټولو برخو په ګډون ،د کابل ښاروالۍ د کار، ساتنې او څارنې ریاست له خوا جوړیږي، چې چارې به یې د څو راتلونکو میاشتو په بهیرکې بشپړې شي