د کابل ښار د یوولسمې ناحیې اړوند د حضرت علي (رض) جومات تر شا له تيږو څخه د یوه فرعي سړک د جوړولو چارې، چې څه موده وړاندې د کابل ښاروالۍ له خوا او د ملګرو ملتونو د پروژې دفتر (UNOPS) په مرسته پیل شوې وې، اوس هم روانې دي. دغه سړک (۶۰۰ ) متره اوږدوالى لري، چې د لښتیو په ګډون له تيږو څخه جوړېږي(سنګفرش کيږي). د یاد سړک په جوړیدو سره به له یوې خوا د سيمې اوسېدونکو ته ګڼې ښاري اسانتياوې برابرې او بل خوا به ترافيکي ګڼه ګوڼه کمښت ومومي.