د کابل ښاروالۍ د کار، ساتنې او څارنې ریاست له خوا، د کابل ښار په کچه د سړکونو د ویجاړو شویو برخو دبیا رغولو چارې دوام لري. د کار، ساتنې او څارنې ریاست د سړکونو د بيارغونې مسوول انجنير شريف الله قادري وويل، چې دغه کار له تخنيکي او فني مطالعاتو وروسته په معياري ډول د پرمختللې ماشینرۍ په کارولو سره ترسره کېږي. هغه سړکونه چې ترمیم او بیارغونې ته اړتیا لري، یو په بل پسې به ترمیم او بیا ورغول شي، چې په دې وروستیو کې له کابل پوهنتون څخه ددهبوري تر څلورلارې پورې د سړک د بیا رغونې چارې هم ترسره شوې، د ښار دننه د سړکونو ساتنه او څارنه، د کابل ښاروالۍ له مهمو مسوولیتونو څخه شمیرل کیږي.