ترانسپورټي آسانتیاو ته د ښاریانو دلاس رسي په موخه له ده دانا تر دارالامان پورې، د ۶۱۰ مترو په اوږدوالي او د ۳۱ متره په پراخوالي د سړک جوړولو چارې چې، څه موده وړاندې د کابل ښاروالۍ له لوري پیل شوې وې، لاهم روانې دي. دا سړک به د پلو لارو، د بایسکیل ځغلولو لیکو او ګلدانونو په ګډون د څه باندې
۲۳ میلیونه افغانیو په ارزښت تر راتلونکو ۶ میاشتو پورې په بنسټیزه توګه جوړ شي. د کابل ښاروالۍ د پروګرامونو او پروژو د تنظیم ریاست انجنیران د دې سړک له کیفیت څخه پر وخت څارنه کوي، څو چارې یې په ټاکلي وخت او بشپړ کیفیت سره بشپړې شي