دیو لړ مراسمو په ترڅ کې د کابل ښاروالۍ له خوا او د ملګرو ملتونو د پروژوي دفتر (UNOPS) په مرسته ددولسمې ناحیې اړوند د افغان ښارګوټي په سیمه کې د یو فرعي سړک د جوړولو چارې پیل شوې. په هغه مراسمو کې چې په همدې موخه جوړ شوي وو، د دولسمې ناحيې مسؤلينو د سړک د اهميت او ارزښت په اړه و ويل: دغه سړک (۴۰۰) متره اوږدوالى او (١٠ )متره سورلري، چې د( ٨٠ ) سانتي مترو په سور سره دسړک دواړو غاړو ته د ویالو جوړېدل هم پکې شامل دي. دغه سړک به د درېيو مياشتو په موده کې له تیږو څخه جوړ شي تر څو د سيمې اوسېدونکو ته ټولنيزې او ښاري آسانتياوې برابرې شي. په ورته وخت کې د سیمې اوسېدونکو د دغه سړک په جوړیدو خوښي څرګنده کړه او د کابل ښاروالۍ د پلانونو د عملي کېدو په برخه کې یې د مرستو ژمنه وکړه