د ښاریانو روغتیا د خوندي توب په پار، د پنځمې ناحیې مسؤلانو په کمپنۍ بازار کې د قصابانو او ډوډۍ پخوونکو ( نان وایانو) د کاري چاپېریال له څرنګوالي څخه څارنه وکړه. د دغو څارنو په لړکې د بیلا بیلو اصنافو په ځانګړي توګه دقصابانو او د چرګانو پلورونکو فعالیتونه، چې روغتیایي سپارښتنوته یې پاملرنه نه وه کړې، ودرول شول او یوشمیر نورو سرغړوونکوته سپارښتنه وشوه څو په راتلونکي کې د کابل ښاروالۍ مقرراتو او روغتیایي سپارښتنو ته پاملرنه وکړي. د اصنافو په فعالیت ځایونوکې د کاشي کارۍ، د قصابانو او دچرګانو پلورونکو د یخچالونو فعالیت او پاکوالی، د فعالیت پر مهال له دستکشو څخه ګټه اخیستلو او دنورو روغتیایي برخو څرنګوالی، د دغو څارنو بله برخه وه