د دویمې ناحیې او د مارکیټونو د تنظیم ریاست د مسئولانو په هڅو له پل باغ عمومي تر پل خشتي پورې د فروشګاه په سیمه کې ښاري نظم رامنځته شوی دی. په یاده سیمه کې ښاریانو ته د تګ راتګ په برخه کې د آسانتیاو رامنځته کولو په موخه د ګډ کمیسیون له لوري ښاري نظم په دوامداره توګه څارل کیږي. له هټیوالو او فعالیت کوونکو غوښتنه کیږي چې، د نا منظمو فعالیتونو له امله د ښاري بې نظمۍ سبب ونه ګرځي او سړکونه او پلې لارې بندې نه کړي. له یادو سیمو څخه د تنظیف ریاست کارکوونکو کثافات راټول او له ښار څخه یې دباندې ولیږدول.د دې سیمې لاسي توکي پلورونکي د ارزول شویو پلانونو پر بنسټ بدیلو سیمو ته لیږدول کیږي او ښاري بې نظمیو او خپل سریو ته د پای ټکی اېښودل کیږي.