د ښاري ښکلا او زرغونتیا رامنځته کولو په موخه د کابل ښاروالۍ د زرغونتیا ریاست له لوري د کوټه سنګي ( میرویس میدان) سیمې په ګلدانونو کې سلګونه زنتي ګلان کېنول شول. د کابل ښاروالۍ د زرغونتیا رئیس مولوي عبدالوکیل متوکل وویل چې، د ښار په کچه د مرسل او موسمي ګلانو دکېنولو چارې روانې دي، او په همدې لړ کې نن د کوته سنګي سیمې په ګلدانونو کې څه باندې (۱۰۰۰) د ګلانو بوټي کېنول شول. نوموړي د ګلانو او زرغونو سیمو په ساتنه کې د ښاریانو مرسته اړینه وبلله او له دوی یې وغوښتل چې، په دې برخه کې ورسره مرسته وکړي. ورته مهال د پنځمې ناحیې مرستیال رفیع الله احمدزي د یادې ناحیې د اوسېدونکو په استازیتوب خبرې وکړې او ژمنه یې وکړه چې، له کېنول شویو ګلانو څخه به په سمه توګه ساتنه او پالنه وکړي