د زرغونو سیمو د پراختیا او ښاري ښکلا رامنځته کولو په موخه، د شپږمې ناحیې اړوند پل سوخته چوک ته د غځیدلو ګلدانونو د بیارغونې چارې پیل شوې. د شپږمې ناحیې رئیس مولوي محمد ایوب ثابت وویل چې، د ښاري ښکلا او ترافیکي نظم رامنځته کولو په پار یې د پل سوخته ګلدان د بیارغونې چارې پیل کړې دي. نوموړي زیاته کړه چې، د زرغونتیا پلان پلي کولو پر وړاندې شته خنډونه او د موټرو خپل سري تم ځایونه هم له سیمې پاک شول. د یاد ګلدان د بیارغونې په پروژه کې، د جدولونو او کټارو رنګول او نصبول، د کرنیزې خاورې بدلول، د ګلانو او زینتي بوټو کېنول او د چمن کرل شامل دي. د شپږمې ناحیې رئیس له ښاریانو وغوښتل چې، د یادې سیمې په ساتنه او خړوب کې له کابل ښاروالۍ سره همکار و اوسي