د څوارلسمې ناحیې اړوند د پغمان د يحيى خېلو په سيمه کې د سړک او لښتي جوړولو چارې، چې څه موده وړاندې د کابل ښاروالۍ له خوا او د ملګرو ملتونو د پروژوې خدمتونو د دفتر (UNOPS) په مرسته پيل شوې وې، د بشپړېدو په حال کې دي. د کابل ښاروالۍ دپروګرامونو او پروژو د تنظیم ریاست د معلوماتو له مخې؛ ددې پروژې په یوه برخه کې د(۴۲۴ ) مترو په اوږدوالي او (۵ ) متره سور دلښتي په ګډون د یوه سړک جوړول، او په بله برخه کې د ( ۳۱۸ ) مترو په اوږدوالي د یوه لښتي جوړول شامل دي، چې چارې یې (۹۰) سلنه مخته تللې دي. د یادولو وړ ده چې، د دې پروژې له لارې، له یوې خوا په ياده سيمه کې کاري زمينه برابره شوې، او له بلې خوا د پغمان د يحيى خېلو په سيمه کې د سړک په جوړیدو سره، د سیمې اوسیدونکو ته ښاري او سیمه ییزې آسانتياوې رامنځته شوې دي