د کابل ښاروالۍ د چاپیریال ساتنې او چاپیریالي روغتیا ریاست له لوري له اړوند ناحیو سره په همغږۍ د کابل سیند په اوږدو کې د کثافاتو له څرنګوالي څارنې، د پنځمې او دیارلسمې ناحیې اړوند د کمپنۍ له سیمې پیل شوې، چې په پایله کې یې یو شمېر سرغړونکو ته اخطار ورکړل شو، چې بیا ځل داسې سرغړونې تکرار نه کړي، کنه له جدې قانوني چلند سره به مخ شي. د چاپیریال ساتنې او چاپیریالي روغتیا ریاست د مسئولانو په وینا؛ په دې څارنه کې سیند ته د فاضلاب راګرځولو، د څارویو حلالولو، د کثافاتو اچولو، د ځمکې غصب او نورو مواردو ته چې، د کابل سیند د ککړتیا سبب ګرځېدلې دي رسېدنه کیږي. ټاکل شوې ده، له کمپنۍ څخه تر څرخي پله پورې د کابل سیند په اوږدو کې د ککړتیا له څرنګوالي څارنه وشي