کابل ښاروالۍ ټولو ښاریانو په ځانګړې توګه قصابانو ته په جدي توګه خبر ورکوي، چې که د سړک په سر،لښتيو, پلو لارو او نورو عامه ځایونو کې څاروي حلال کړي، له قانون سره سم به مجازات شي. کابل ښاروالۍ د څارویو د حلالولو لپاره په بیلا بیلو زونونوکې ځانګړي ځایونه ټاکلي دي. د قانون له مخې هغه حکمي ا و حقیقي اشخاص، چې په عمومي ځایونو کې څاروي حلالوي، لویه ښاري سرغړونه کوي او هر هغه څوک چې په ښار کې د بد بوی او د کثافاتو د تولید لامل ګرځي، تادیب او مجازات کیږي