دلسمې ناحیې اړوند دقلعه فتح الله د پخواني سړک څخه د میدان تر سړک پورې د جوړېدونکي سړک د خنډونو پاکولو چارې د مامور عبدل برج له سیمې پیل شو. دکابل ښاروالۍ داستملاک رئیس انجینرعبدالمتین حنیف وویل چې، د دې سړک په اوږدو کې (۲۴) کورونه اوملکیتونه تر استملاک لاندې دي چې، اوس یې عملاً د ویجاړولو چارې پیل شوې. د نوموړي په وینا دغه سړک دکابل ښار له مرکزي سړکونو څخه شمېرل کیږي،چې په جوړېدو سره به یې دقلعه فتح الله،سلیم کاروان اوپایکوب نسوار سیمو اوسیدونکو ته ترانسپورټي آسانتیاوي رامنځته او په یادو سیموکې به ترافیکي ګڼه ګوڼه هم کمه شي. هغه زیاته کړه، چې د کورونو او ملکیتونو مالکانو ته به داستملاک قانون له مخې حقوق ورکړل شي. ټاکل شوې ده چې یاد سړک به د ټولو برخو په ګډون، په بنسټیزه توګه د (۶۱۰) متره په اوږدوالي او (۱۶) متره پراخوالي سره جوړ شي. کابل ښاروالي هڅه کوي څو د ښاري پلان له مخې ښاریانو ته ترانسپورټي او ټولنیزې آسانتیاوې رامنځته کړي.