د پنځمې ناحیې مسئولانو د یادې ناحیې په بازارونو، هټیو او لویو پلورنځیو کې د خوراکي او روغتیايي توکو له نیټې او کیفیت څخه څارنه وکړه. د څارنو په لړ کې د اوبو د تصفیې له یو شرکت او د مینځلو د موادو د یو شرکت له فعالیتونو څخه څارنه وشوه او دوی ته سپارښتنه وشوه، چې د کابل ښاروالۍ اصول او د حفظ الصحې سپارښتنې په نظر کې ونیسي. په همدې توګه د یادې ناحیې په بازارونو کې ګڼ شمېر هټیوالو او د لویو پلورونځیو مالکانو ته د ښاري اصولو او قوانینو په اړه عامه پوهاوی ورکړل شو.