د پنځمې او دیارلسمې ناحیې ترمنځ له کمپنۍ څخه تر برچي پورې د نوي نښلوونکي سړک د جوړولو چارې چې، څه موده وړاندې د کابل ښاروالۍ د کار، ساتنې او مراقبت ریاست له لوري پیل شوې وې، لاهم روانې دي. دا سړک له قلعه ناظر څخه د نقاش تر حمام پورې ( ۲.۲ ) کیلو متره اوږدوالی او (۳۰ ) متره سور لري چې، په بنسټیزه توګه به د یوه معیاري سړک د ټولو برخو په ګډون جوړ شي، او تر دې مهاله یې ( ۲۰ ) سلنه چارې مخته تللې دي. د یاد سړک په جوړېدو سره به له یوې خوا د پل سوخته سیمې په ترافیکي ګڼه ګوڼه کې کموالی راشي او بل خوا به د سیمې اقتصادي ودې ته هم زمینه برابره شي. د کابل ښاروالۍ مسئولان د یاد سړک د کار له کیفیت څخه په دوامداره توګه څارنه کوي، څو یې چارې په ټاکلي وخت او لوړ کیفیت سره بشپړې شي