د غږیزې ککړتیا د مخنیوي او کمښت په موخه، د کابل ښاروالۍ د کلتوري چارو ریاست له لوري د سرای شمالي په سیمه کې ګرځنده پلورونکو ته پوهاوی ورکړل شو. د کابل ښاروالۍ د کلتوري چارو رييس قاري ولي ګل جواد وويل، غږیزه ککړتيا د ښاري ګډوډۍ، ذهني تخريب، او د اورېدلو د کموالي لامل کېږي. نوموړي د سرای شمالي سیمې له ګرځنده پلورونکو څخه غوښتنه وکړه چې د غږیزې ککړتیا له رامنځته کولو څخه دې ډډه وکړي، که نه نو له قانوني چلند سره به مخ شي او بیا به د شکایت حق نه لري