د کابل ښاروالۍ له لوري او د ملګرو ملتونو د پروژوي خدمتونو دفتر (UNOPS) په مالي ملاتړ د لسمې ناحیې په یوولسم ګذر( د الکوزیو کوڅه) قلعه خاطر سیمه کې د یوه فرعي سړک د جوړولو چارې پیل شوې. د لسمې ناحیې مرستیال قاري عبدالحي شهیدزي وویل چې، دا سړک (۶۰۰ ) متره اوږدوالی او (۴ ) متره سور لري، چې راتلونکو (۵) میاشتو پورې به د لښتیو په ګډون په بنسټزه توګه جوړ شي. د دې سړک په جوړېدو سره به د سیمې اوسیدونکو ته ګڼ شمېر ټولنیزې او چاپیریالي آسانتیاوې رامنځته شي