د چارو د چټکتیا او د غوره ښاري خدمتونو د وړاندې کولو په موخه، د کابل ښاروالۍ د رهبرۍ غونډه د کابل ښاروال مولوي عبدالرشید په مشرۍ ترسره شوه. په دې غونډه کې چې د کابل ښاروالۍ دمرستیالانو، د مرکزي ادارو د یو شمېر رئیسانو په ګډون جوړه شوې وه، په ټاکلي وخت او ښه کیفیت سره دترکار لاندې پروژو د پلي کېدو، دنیم ګړو او ستونزمنو پروژو د بیا پیلولو، د یو شمیر نویو پروژو د طرحې، د تدارکاتو او اداری چارو د بهیر د ګړندیتوب، د تنظیفي او زرغونتیا وضعیت او د ښاري نظم د ښه والي او نورو مهمو ښاري مسایلو په اړه بحث وشو او لازم تصمیمونه ونیول شول. کابل ښاروال پر مسوولانو غږ وکړ، چې د ښاریانو د رضایت د کچې د لوړولو په برخه کې دې له هیڅ راز هڅو ډډه ونه کړي. همدا راز کابل ښاروال ټینګار وکړ چې، د ښاریانو د هوساینې او د هوسا ژوند د رامنځته کولو په موخه، لا زیاتو کارونو ته اړتیا ده. پلانونه او پروګرامونه باید د لومړیتوبونو پر بنسټ ډیزاین،جوړ او پلي شي