د کابل ښار په کچه په ښاري برخو کې د غوره خدمتونو وړاندې کولو له امله، یو شمېر محصلانو د کابل ښاروال مولوي عبدالرشید کړنې وستایلې. یادو محصلانو وویل چې، کابل ښاروال د پراختیايي پلانونو د پلي کېدو په برخه کې له جدیت او صداقت څخه کار اخیستی چې، له امله یې ښاریان د کابل ښار د بڼې د بدلون شاهدان دي. د دوی په وینا کابل ښاروال هڅاند او پر هېواد مین شخص دی چې، د ده په شتون کې به کابل ښاریان غوره آسانتیاوې تجربه کړي. ورته مهال کابل ښاروال ځان د خلکو خادم یاد کړ او د خدمت کولو په برخه کې یې خپله ژمنه یو ځل بیا تازه کړه