د کابل ښارالۍ له لوري او د ملګرو ملتونو د پروژوي خدمتونو ادارې ( UNPOS) په مالي ملاتړ ، د دریمې ناحیې اړوند د دهمزنګ د اوبو مخزن غرنۍ سیمې په لومړي ګذر کې د( ۱۹۵ ) مترو په اوږدوالي او د ( ۴.۵ )مترو په سور د یوه فرعي سړک او د( ۷۰ ) مترو په اوږدوالي او د( ۱.۸ ) مترو په سور د یوه لښتي د جوړولو چارې روانې دي. د کابل ښاروالۍ د پروژو او پروګرامونو د تنظیم ریاست د معلوماتو پر بنسټ، د یاد سړک او لښتي په جوړېدو سره به د سیمې ګڼ شمېر ستونزې حل او ورسره جوخت به ښاریانو ته ټولنیزې او اقتصادي آسانتیاوې هم رامنځته شي. د یادونې وړ ده چې، په غرنیو سیمو کې د پروژو پلي کول، د کابل ښاروالۍ لومړیتوب دی او په دې برخه کې به لا اغیزمنې کړنې ترسره شي