د لسمې ناحیې اړوند د رستورانتونو له چاپیریالي حفظ الصحې څارنه وشوه، چې په پایله کې یې د رستورانتونو هغه مالکان چې د کابل ښاروالۍ اصول او مقررات یې په پام کې نیولي وو، لا وهڅول شول او هغوی چې سرغړونې یې درلودې تادیب شول. په همدې توګه هغه کسان چې ډېره سرغړونه یې درلوده، ژمنه ترې واخیستل شوه، څو هر ژر د خپل فعالیت په سیمه کې د کابل ښاروالۍ مقررات په پام کې ونیسي، کنه له دې پرته به له قانوني چلند سره مخ شي. د څارنو په لړ کې د رستورانتونو، د خوړو برابرولو له څرنګوالي، د پخلنځي له نظافت، د کاشۍ شتون، له ماسک او نورو روغتیايي توکو ګټه اخیستنه تر څارنې لاندې ونیول شول.