د کابل ښاروالۍ له لوري د ملګرو ملتونو د خدمتونو ادارې (UNOPS) په مالي ملاتړ د دریمې ناحیې د دریم ګذر اړوند په تپه سلام سیمه کې د کوڅو او زینو جوړولو چارې روانې دي. د کابل ښاروالۍ د پروګرامونو او پروژو د تنظیم ریاست د معلوماتو پر بنسټ د یادې سیمې په دریو برخو کې د ۱۷۲ متره په اوږدوالي د یوه لښتي او زینو، د ۱۵۵ متره په اوږدوالي د کوڅو، لښتي او زینو جوړولو او د ۷۰ متره په اوږدوالي د کوڅو او لښتیو جوړولو چارې په چټکۍ سره روانې دي. د یادونې وړ ده چې، په غرنیو سیمو کې د پروژو پلي کول د کابل ښاروالۍ لومړیتوب دی او په دې برخه کې به لا اغیزمنې کړنې ترسره شي