د کابل ښاروالۍ له لوري د ملګرو ملتونو د خدمتونو ادارې ( UNOPS) په مالي ملاتړ د څلورمې ناحیې په څلورم ګذر ( کوچه دل آغا) سیمه کې د تیږو فرش په بڼه د یوه سړک د جوړېدو چارې چې، څه موده وړاندې پیل شوې وې، لاهم روانې دي. د کابل ښاروالۍ د پروګرامونو او پروژو د تنظیم ریاست د څارنې آمر محمد فهیم دراني وویل چې، دا سړک ۵۴۰ متره اوږدوالی او ۸ متره پراخوالی لري او د لښتیو په ګډون به په بنسټیزه توګه جوړ شي چې، تر اوسه یې ۳۰ سلنه چارې مخته تللې دي. د یاد سړک په جوړېدو سره به د سیمې اوسېدونکو ته ګڼ شمېر ترانسپورټي او ټولنیزې آسانتیاوې رامنځته شي.
په څلورمه ناحیه کې د سړک جوړولو چارې روانې دي
17 جوزا 1402