کابل ښاریانو ته د غوره چوپړتیاو وړاندې کولو او ددعوت او ارشاد دموخو ښه پلي کولو له امله، ددعوت او ارشاد عمومي ریاست د رئیس شیخ محمد هاشم شهید ورور له لوري ، د یو لړ مراسمو په ترڅ کې کابل ښاروال مولوي عبدالرشید، د کابل ښاروالۍ د ټولنیزو او کلتوري چارو مرستیال مولوي حبیب الرحمن منصور او د کابل ښاروالۍ د ارشاد او دعوت رئیس مولوي رحمت الله صاحبزاده د ستاینلیکونو په ورکولو سره وستایل شول. ددعوت او ارشاد عمومي رئیس په تېر یوه کال کې د کابل ښاروالۍ د مرکزي ریاستونو او ناحیو په کچه د عقیدتي او فقهي درسونو لړۍ مثبته و اروزله او زیاته یې کړه چې، د کابل ښاروالۍ مشرتابه او ددعوت او ارشاد ریاست مدرسینو فقهي او عقیدتي درسونه په ښه توګه کارکوونکو ته وړاندې کړي دي. شیخ شهید ورورڅرګنده کړه چې، اوس د دیني مسایلو په اړه د کابل ښاروالۍ د کارکوونکو پوهه لوړه شوې ده، چې د چارو ترسره کېدو په برخه کې یې غوره بدلون رامنځته کړی دی. په دې مراسمو کې ددعوت او ارشاد ریاست او د کابل ښاروالۍ یو شمېر نور کارکوونکي هم د ډالیو په ورکولو سره ونازول شول