د قلعه فتح الله او سابقه تایمني سړکونو دزیانمنو برخو د بیارغولو چارې، د کابل ښاروالۍ د کار، ساتنې او څارنې ریاست له خوا پیل شوې. د یاد ریاست د سړکونو دبیارغولو د برخې آمر انجینیرشریف الله قادري په دې اړه وویل، چې د قلعه فتح الله او سابقه تایمني سړکونو ځینې برخې چې، د اوبو رسولو دیوه خصوصي شرکت له خوا کیندل شوې او ویجاړې شوې وې، له فني ، تخنیکي او حقوقي څیړنو وروسته په معیاري او بنسټیزه توګه بیا رغول کیږي. نوموړي زیاته کړه چې، اوس مهال د سابقه تایمني او مدینه بازار دسړکونو د زیانمنو برخو د بیا رغولو چارې پیل شوې دي. هغه سړکونه چې بیا رغولو ته اړتیا لري، یو پر بل پسې به یې د جوړولو په اړه اقذام وشي، چې په دې کار سره به له یوې خوا د سړکونو د ژر ویجاړیدو مخنیوی وشي او بل خوا به په سمه توګه د عامه تاسیساتو ساتنه شوې وي