کابل ښاروال مولوي عبدالرشید دکابل ولایت طبي شورا له رئیس ډاکټر ګل محمد عثمان او یو شمېر غړو سره، د صنفي جوازونو د ویش په اړه خبرې وکړې. کابل ښاروال دیادې شورا د ستونزو له اورېدو وروسته وویل، چې د ښاري قوانینو له مخې د هر روغتیایي مرکز لکه روغتون، کلینک، درملتون او نورو روغتیايي مرکزونو ته، چې د ښار په بیلابیلو برخو کې فعالیت کوي اړینه ده ترڅو له کابل ښاروالۍ څخه صنفي جواز ترلاسه کړي او د نورو ښاري خدمتونو د محصول په ورکړه کې دې هم جدي پاملرنه وکړي، دغه کار به له یوې خوا ښاري نظم ته وده ورکړي او له بلې خوا به ترلاسه شوي عواید بیرته د ښاري خدمتونو په وړاندې کولو کې وکارول شي. ورته مهال د کابل د طبي شورا غړو وویل، چې ښار قوانینو ته درناوی لري او د ښه نظم رامنځته کولو او د ښاري خدمتونو د وړاندې کولو په برخو کې به له کابل ښاروالۍ سره هر اړخیزې مرستې وکړي