ښاریانو ته دښاري او ټولنیزو آسانتیاوو درامنځته کولو په موخه، د کابل ښاروالۍ له خوا او د ملګرو ملتونو د پروژوي دفتر (UNOPS) په مرسته د اتمې ناحیې اړوند د اووم ګذر په امام بخاري سیمه کې د دوو سړکونو د جوړولو چارې پیل شوې. د اتمې ناحيې مرستيال مولوي صديق الله يوسفي وويل، چې په دې سيمه کې د يوه لښتي په ګډون په ټوليزه توګه د (٨٦٣ ) مترو په اوږدوالي او د( ٤،٥ ) مترو په سور يو سړک جو ړیږي، چې ورسره جوخت به د سیمې اوسیدونکو ته ګڼې ښاري او سیمه ییزې آسانتیاوې رامنځته شي. همدا راز ددې پروژې په پلي کیدو سره سلهاوو ښاریانو په تیره د سیمې اوسیدونکوته دکار زمینه برابره شوې ده، چې مسلکي کارګرانو ته د ورځې (۷۰۰) افغانۍ او غیر مسلکې کارګرانوته په ورځ کې (۴۵۰) افغانۍ اجوره ( معاش) ټاکل شوی دی. د یادولو وړ ده چې، ددې پروژې د پلي کیدو له امله ،دسیمې اوسیدونکو خوښي څرګنده کړه او د کابل ښاروالۍ له پلانونو او پرګرامونو څخه یې خپل ملاتړ اعلان کړ