د کابل ښاریانو له خوا د بایسکل کارولو کلتور؛ د سالم چاپېریال رامنځته کولو، د ګڼې ګوڼې کمښت، روغتیا او هوساینه، اقتصادي وده او د یو باثباته او پرمختللي ښار د درلودلو په موخه، یو له مهمو او اساسي شرطونو څخه شمیرل کیږي، په همدې موخه کابل ښاروالۍ د سړکونو په ډیزاین کې د ترانسپورتي لینونو او زیربناوو جوړولو سربېره؛ له دې وروسته د بایسکل چلولو د کرښو جوړول هم په پام کې نیولي دي. په دې وروستیو کې په سړکونو باندې د کرښو اچولو په برخه کې، د بایسکل چلولو لاینونو جوړولو ته هم پاملرنه شوې، ترڅو په ښار کې دبایسکل چلولو پر مهال، له ترافیکي پېښو او ګواښونو څخه مخنیوی وشي. په دې توګه له ګرانو ښاریانو څخه هیله کیږي، چې د امکان په صورت کې له بایسکل څخه په ګټه اخیستو، د هوادککړتیادمخنیوي او د ګڼې ګوڼې د کمښت په موخه، له کابل ښاروالۍ سره مرسته وکړي