د زرغونو سيمو د ساتنې او پراختيا په موخه، د دويمې ناحيې اړوند د تلويزيون په غره کې څه باندې لس زره ونې خړوب شوې. د ونو د خړوبولو په دې چاره کې د دویمې ناحيې د مسوولانو سربیره، د سیمې يو شمېر اوسیدونکو هم برخه اخیستې وه او ژمنه يې وکړه، چې د خپلو ملکیتونو مخې ته به د ونوخړوبولو ته جدي پاملرنه کوي. د یادې ناحيې مسؤلین وایي چې، له شته امکاناتو څخه په ګټې اخیستلو سره به د دې ناحیې په بیلابیلو سیمو کې ونې په منظمه توګه خړوبېږي. کابل ښاروالۍ له ښاریانو څخه غوښتنه کوي، چې د ګرمۍ په موسم کې د خپلو ملکیتونو د مخې ونو خړوبولو ته پام وکړي، ځکه د کابل ښاروالۍ امکانات دومره نه دي چې د ښار ټولې زرغونتیا ته رسېدنه وکړي