ښاریانو ته د سیمه ییزو او ترانسپورتي آسانتیاوو رامنځته کولو په موخه، د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د پنځمې ناحیې اړوند (۳۷م ) ګذر د آغا صاحب جومات په سیمه کې د پنځو فرعي سړکونو د جوړولو چارې په چټکۍ سره روانې دي. د سړک جوړونې دغه پروژه ، دسړک غاړې لښتي په ګډون په ټولیزه توګه ( ۱۰۰۰ ) متره اوږدوالی لري، چې تر اوسه یې (۶۰ ) سلنه چارې مخته تللې او ټاکل شوې ده چې، د دوو میاشتو په موده کې به ګټې اخیستنې ته وسپارل شي. د يادو سړکونو په جوړېدو سره به له يوې خوا د سيمې اوسېدونکو ته ګڼې ښاري آسانتياوې برابرې شي او له بلې خوا د دې پروژې په پلي کېدو سره د سيمې ( ۲۵۰ ) تنو اوسیدونکو ته د کار زمينه هم برابره شوې ده.