د ښاري تاسیساتو دساتنې په موخه، د دویمې ناحیې اړوند له زنبق څلور لارې څخه تر آریانا څلورلارې پورې د سړک زیانمنو برخو د بیا رغولو چارې، د کابل ښاروالۍ دکار، ساتنې او مراقبت ریاست له خوا پېل شوې. د سړکونو د بيارغونې آمر انجنير شريف الله قادري وويل: ددې سيمې د سړکونو هغه برخې چې، د وخت په تېریدو سره زیانمنې شوې دي، ،له فني او تخنیکي مطالعاتو وروسته د پرمختللې ماشینرۍ په وسیله، په بنسټیزه او معیاري ډول بیا ځلي رغول کیږي. نوموړي زیاته کړه چې، دا چاره د ښاري تاسیساتو او عامه شتمنیو د ساتنې په موخه ترسره کیږي.