ښاریانو ته د سیمه ییزو او ترانسپورتي آسانتیاوو رامنځته کولو په موخه، د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د پنځمې ناحیې د شپاړسم ګذر اړوند د ده عربانو په سیمه کې د اتو کوڅو د جوړولو چارې روانې دي. په ياده سيمه کې د لښتي په ګډون، په ټولیزه توګه د (٩٦٦) مترو په اوږدوالي او(٤) مترو په سور سره کوڅې جوړیږي، چې ورسره جوخت به د سیمې د اوسیدونکو پر وړاندې شته موسمي ستونزې هوارې او ترانسپورتي آسانتياوې به ورته رامنځته شي. د یادولو وړ ده چې، د دغې پروژې په پلي کیدو سره یو شمیر کسانو ته د کار زمينه برابره شوې، چې د مسلکي کارګرانو لپاره د ورځې (۷۰۰) افغانۍ او د غير مسلکي کارګرانو لپاره(۴۵۰) افغانۍ ورځنی معاش ټاکل شوې دی