د غږیزې ککړتیا د مخنیوي او کمښت په موخه، د کابل ښاروالۍ د چاپېریالي روغتیا او چاپېریال ساتنې ریاست له خوا، د ښار په بېلابېلو ناحیو کې د آیس کریم شرکتونو له پلورونکو څخه تر سلو ډېر لوډسپیکرونه راټول اوظبط شول. د کابل ښاروالۍ د چاپېریالي روغتیا او چاپېریال ساتنې رئیس مولوي یاسر عمري په دې اړه وویل، چې مخکې دلوړ غږ لرونکو لوډسپیکرونو پر ځای له بدیلو وسایلو څخه، چې ټیت او آرامه غږ ولري د ګټې اخیستو په موخه، د آیس کریم د تولیدوونکو شرکتونو له اتحادیې او یو شمېر استازو سره همغږي شوې ده، چې په پایله کې یې یو شمېر آیسکریم پلورونکي اصلاح شوي، خو ځني نوریې اوس هم سرغړونې کوي. نوموړي زياته کړه، چې غږیزه ککړتيا په ښار کې د ښاري بې نظمۍ رامنځته کیدو، ذهني خپګان، د اورېدلو د کموالي او حتا دکاڼه کېدو لامل کېږي. تمه ده چې بېلابېل اصناف په ځانګړې توګه ګرځنده پلورونکي دې د غږیزې ککړتیا له رامنځته کولو څخه ډډه وکړي، که نه نو له قانوني چلند سره به مخ شي او بیا به د شکایت حق ونه لري.