د یوولسمې ناحیې اړوند د حضرت علي(رض) جومات تر شا له تيږو څخه د فرعي سړک د جوړولو چارې، چې څه موده وړاندې د کابل ښاروالۍ له خوا او د ملګرو ملتونو د پروژوي دفتر په مرسته پیل شوې، ډېر ژر به بشپړې او ګټې اخیستنې ته وسپارل شي. د کابل ښاروالۍ د پروګرامونو او پروژو دتنظیم ریاست د مسوولانو په وینا؛ د له تیږو څخه د سړک جوړولو دغه پروژه، چې ( ۰۰ ۶) متره اوږدوالی او ( ۶ ) متره سور لري، د لښتي په ګډون یې دجوړولو چارې ( ۹۵) سلنه بشپړې شوې دي. د دغه سړک په جوړېدو سره به د سیمې اوسېدونکو ته ګڼې ښاري او ترانسپورتي آسانتیاوې برابرې شي