د کابل ښاروالۍ له لوري د دولسمې ناحیې اړوند د احمدشاه بابا مېنې په اتم بلاک کې د تیږو فرش په بڼه د ۲۵ فرعي سړکونو د جوړولو چارې د بشپړېدو په حال کې دي. د کابل ښاروالۍ د پروګرامونو او پروژو د تنظیم ریاست د مسئولانو په وینا، په دې پروژه کې د ټولټال ۷۳۰۲ متره په اوږدوالي او له ۶ تر ۷ متره سور په درلودلو سره د لښتیو په ګډون سړکونه شامل دي چې، تر دې دمه یې ۹۰ سلنه کار مخته تللی دی او ډیر ژر به یې چارې بشپړې شي. د تیږو فرش په بڼه د سړکونو جوړول له لوړ مقاومت څخه برخمن دي او د ځمکې د سر اوبو په زیرمه کولو کې مرسته کوي.