ښاریانو ته دسیمه ییزو او ترانسپورتي آسانتیاوو دبرابرولو په موخه، د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د اتمې ناحیې اړوند په اووم ګذرکې د مرنجان غونډۍ ته څېرمه د فرعي سړک د جوړولو چارې پیل شوې. دغه سړک ( ۸۶۳ ) متره اوږدوالی او ( ۵ ) متره سور لري چې، د لښتیو په ګډون به تر راتلونکو ( ۴ ) میاشتو پورې په بنسټیزه توګه جوړ شي. د یادې پروژې په پلي کیدو سره د سیمې ګڼ شمېر اوسېدونکو ته د کار زمینه برابره شوې ، چې په بشپړېدو سره به یې د خلکو ګڼ شمېر ترانسپورټي او چاپیریالي ستونزې حل شي. د کابل ښاروالۍ مشرتابه په محرومو سیمو کې د پروژو پلي کولو ته تابیا لري او په پام کې ده چې، په راتلونکې کې به د ښار په کچه دا ډول نورې پروژې هم پلې کړي