د کابل ښاروالۍ له لوري د ملګرو ملتونو د پروژوي خدمتونو ادارې په ملاتړ د دریمې ناحیې اړوند په دویم ګذر قول سیدان ( غرنیزه) سیمه کې د کوڅو او زینو جوړولو چارې روانې دي. د کابل ښاروالۍ د پروژو او پروګرامونو د تنظیم ریاست د معلوماتو پر بنسټ؛ په دې سیمه کې د ۱۱۷۵ متره په اوږدوالي او له ۲ تر۳ متره په سور د لښتیو په ګدون د زینو جوړولو چارې روانې دي، چې ډېر ژر به یې کار بشپړ شي. د یادو کوڅو او زینو په جوړېدو سره به د سیمې خلکو ته د تګ راتګ په برخه کې آسانتیاوې رامنځته شي. په غرنیزو سیمو کې د پروژو پلي کول یو لومړیتوب دی چې، د کابل ښاروالۍ له لوري به په دې برخه کې لا ډېر کارونه ترسره شي